eun tiote cnansonnette de ch'nord

Le p'tit quinquin

écrit par A.Desrousseaux

      

Dors,min p'tit quiquin

Min p'tit pouchin min gros rojin

Te m'fras du chagrain,si

Te n'dors point qu'a d'main.

                                          

                               Ainsi,l'aut'jour eun'pauv'dintellière

                               In amiclotant sin p'tit garchon

                               Qui,d'puis tros quarts d'heure,n'faijot qu'braire

                               Tachot d'lindormir par eun'canchon

                               Ell' li dijot:min narcisse

                               D'main,t'aras du pain n'épice

                               Du chuc à gogo

                               Si t'es sache et qu'te fait dodo

       Dors,min p'tit quiquin

       Min p'tit pouchin min gros rojin

       Te m'fras du chagrin,si

       Te n'dors point qu'a d'main

                                           

                               Et si te m'laich'fair eun' bonn' semaine

                               J'irai dégager tin biau sarrau

                               Tin patalon d'drap,tin giliet d'laine

                               Comme un p'tit milord te s'ras farau!

                               J' t'acat'rai,l'jour de l'ducasse

                               Un porichinell' cocasse

                               Un turlututu

                               Pour juer l'air du capiau-pointu

     Dors,min p'tit quiquin

     Min p'tit pouchain min gros rojin

     Te m'fras du chagrin,si

                                Te n'dors point qu'a d'main

                                                

                               Nous irons dins l'cour jeannette-à-vaques

                               Vir les marionnett's.Comme te riras

                               Quand t'intindras dire:un doup'pou'jasques!

                               Pa' l' porichinell' qui parl' magas!...

                               Te li mettras dins s'menotte

                               Au lieu d'doupe,un rond d'carotte

                               I t'dira:Merci

                               Pins'comm'nous arons du plaisi! 

                               Dors, min p'tit quinquin

                               Min p'tit pouchin min gros rojin

                               Te m'fras du chagrain,si

                               Te n'dors point qu'à d'main

                                                 

                               Et si par hasard sin maite s'fache

                                Ch'est alors Narciss'que nous rirons

                               Sans n'n avoir invi',l'prindrai m'n air mache

                               J'li dirai sin nom et ses sournoms

                               J'li dirai des fariboles

                               I m'in répondra des droles

                               Infin,un chacun

                               Verra deux pestac' au lieu d'un

                               Dors min p'tit quiquin

                               Min p'tit pouchain min gros rojin

                               Te m'fras du chagrin,si

                               Te n'dors point qu'a d'main

                                             

                               Allons serr'tes yeux,dors min bonhomme

                               J'vas dire eun'prière à p'ti-jésus

                               Pour qu'i'vienne ichi pindant tin somme

                               T'fair'rever qu'j'ai les mains plein's d'écus

                               Pour qu'i't'apporte eun' coquille

                               Aves du chirop qui guile

                               Tout l' long d tin minton

                               Te t' pourléqu'ras tros heur's de long

                               Dors,mes p'tit quiquin

                               Min p'tit pouchin min gros rojin

                               Te m'fras du chagrin,si

                               te n'dors point qu'a d'main

                                                

                               L'mos qui vient,d'Saint-Nicolas ch'est l'fiete

                               Pour sur,au soir,i'viendra t'trouver

                               I't' fra un sermon,et t' laich'ra mette

                               In d'zous du balot,un grand painnier

                               I' l' rimplira,si tes sache

                               D'séquois qui t'rindront bénache

                               Sans cha,sin baudet

                               T'invoira un grand martinet

                               Dors min p'tit quiquin

                               Min p'tit pouchin min gros rojin

                               Te m'fras du chagrain,si

                               Te n'dors point qu'a d'main

                                              

                               Ni les marionnettes,ni l'pain népice

                               N'ont produit d'effet.Mais l'martinet

                               A vit'rapajé l'petit Narcisse

                               Qui craingnot d'vir arriver l'baudet

                               Il a dit s'canchon-dormoir....

                               S'mèr'l'a mis dins s'n ocheinnoire

                               A r'pris sin cousin

                               Et répété vint fos che r'frain

                               Dors,min p'tit quiquin

                               Min p'tit pouchin min gros rojin

                               Te m'fras du chagrain,si

                               Te n'dors point qu'a d'main

        ché nin biau cha???????

Comments

[terrasse]

c'eune bielle canchon